Милан Берлускони даври бошланган кунни эсллади

Италиянинг “Милан” клуби муҳим санани ёдга олди: 1986 йил 20 февраль куни, бундан роппа-роса 40 йил аввал клуб тарихидаги энг ёрқин даврга старт берилган эди. Ўша куни Силвио Берлускони 80-йилларнинг биринчи ярмида жиддий инқирозга ботган “россонери”ни сотиб олган. Бу ҳақда euro-football.ru хабар беради.

Кўп ўтмай жамоа бошқаруви Арриго Сакки қўлига ўтди ва у “Милан”ни тубдан ўзгартирди. Берлускони раҳбарлиги даврида клуб 29 та совринни қўлга киритди: улар орасида 8 та Скудетто ҳамда Чемпионлар кубоги ва кейинчалик Лига чемпионлари номи билан давом этган турнирда 5 та ғалаба бор.

Юбилей муносабати билан клуб афсонаси Паоло Малдини ҳам ижтимоий тармоқларда эслатма қолдирди. Малдини Берлускони “Милан”ни сотиб олган пайтнинг ўзида жамоа сафида тўп сураётган эди.