«Милан» Берлусконининг клубни сотиб олган кунини эслади

Италиянинг «Милан» клуби тарихидаги муҳим санани ёдга олди: 1986 йил 20 февраль куни, аниқроғи 40 йил аввал, Силвио Берлускони жамоани сотиб олган ва шу билан клубнинг энг ёрқин даври бошланган. Бу ҳақда euro-football.ru хабар беради.

Ўша пайтда «Милан» 80-йилларнинг биринчи ярмида жиддий инқирозни бошдан кечираётган эди. Орадан кўп ўтмай, жамоа бошқарувига Арриго Сакки келиб, клубдаги кўплаб тамойилларни тубдан ўзгартирди.

Берлускони раҳбарлиги даврида «Милан» 30 йил ичида 29 та совринни қўлга киритди: улар орасида 8 та Скудетто ҳамда Чемпионлар кубоги ва унинг давомчиси бўлган Чемпионлар лигасидаги 5 та ғалаба бор.

Юбилей санаси ижтимоий тармоқларда Паоло Малдини томонидан ҳам эслаб ўтилди. Афсонавий ҳимоячи Берлускони клубни сотиб олган вақтда аллақачон «Милан» сафида тўп сураётган эди.