«Реал» мудофаа етакчиси учун трансфер стратегиясини ўзгартирмоқчи

Дортмунднинг «Боруссия» клуби марказий ҳимоячиси Нико Шлоттербек ҳануз Мадриднинг «Реал» жамоаси трансфер рўйхатидан ўрин олиб турибди. Бу ҳақда euro-football.ru хабар беради.

Сўнгги ҳафталарда «қаймоқранглилар» вакиллари 26 ёшли футболчи номзодини синчиклаб ўрганмоқда. Diario AS хабарига кўра, «қироллик» клуби ичида Шлоттербек айни пайтда марказий ҳимояни кучайтириш учун мавжуд вариантлар орасида энг мақбул номзод экани борасида ишонч тобора ортиб бормоқда. «Реал» 2019 йилдан бери 20 ёшдан анча катта футболчилар учун йирик маблағ сарфлашдан тийилиб келади, бироқ «Боруссия» юлдузи учун раҳбарият бу тамойилдан чекинишга тайёр.

Манбага кўра, Шлоттербекни трансфер қилиш «Реал»га тахминан 50 млн еврога тушиши мумкин. Ҳимоячининг «Боруссия» билан амалдаги шартномаси 2027 йилгача мўлжалланган.