Кркич Чемпионлар лигаси қуръаси ҳақида фикр билдирди ва «Ньюкасл»ни кучли деди

«Барселона»нинг собиқ ҳужумчиси, ҳозирда клубнинг спорт бўлимида фаолият юритаётган Боян Кркич Чемпионлар лигаси 1/8 финалига ташланган қуръага муносабат билдирди. Бу босқичда каталонияликлар «Ньюкасл»га қарши майдонга тушади. Бу ҳақда euro-football.ru хабар беради.

Кркичнинг айтишича, жамоа аввало ўз ўйинига эътибор қаратиши керак. У «Ньюкасл»ни кучли рақиб сифатида тилга олди ва «Барселона» бу мавсумда улар билан аллақачон ўйнаб кўрганини эслатди. «Энг муҳими — учрашувга тўғри ҳолатда етиб бориш. Ҳозир эса олдинда Ла Лига ҳамда Испания кубогидаги ўйинлар бор. Футболда энг муҳим ўйин — навбатдагиси», — деди у УЕФА матбуот хизматига.

«Ньюкасл» ва «Барселона» ўртасидаги илк учрашув 10 март куни бўлиб ўтади. Жавоб баҳси 18 март куни «Камп Ноу»да ўтказилади.