Гвардиола Чемпионлар Лигаси ниҳоятда мураккаблигини таъкидлади

“Манчестер Сити” бош мураббийи Хосеп Гвардиола Чемпионлар Лигасидаги рақобат даражаси ҳақида фикр билдирди. Бу ҳақда euro-football.ru хабар беради.

“Шаҳарликлар” 1/8 финал босқичида яна бир бор Мадриднинг “Реал” жамоасига қарши майдонга тушади.

“Чемпионлар Лигаси жуда мураккаб. Ҳар қандай жамоани олинг — ҳар бирининг ўз кучли томони бор. Бу турнирда узоққа бормоқчи бўлсангиз, энг кучлиларни ютишингиз керак. Акс ҳолда, бунга шунчаки лойиқ эмассиз”, — деди испаниялик мутахассис матбуот анжуманида.

Ўтган мавсум Европанинг энг нуфузли турнирида “Манчестер Сити” айнан “Реал”га ютқазиб мусобақани тарк этган, бу эса плей-оффнинг ўтиш раундидайоқ содир бўлган эди. Жорий кампанияда эса жамоалар умумий босқичда тўқнаш келиб, ўшанда инглиз гранди 2:1 ҳисобида ғалаба қозонган.