Гвардиола «Будё-Глимт»ни ҳаммага тан олдирди деб эслатди

«Манчестер Сити» бош мураббийи Хосеп Гвардиола Чемпионлар лигасида кутилмаганда порлаётган «Будё-Глимт»нинг натижалари ҳақида фикр билдирди. Бу ҳақда euro-football.ru хабар беради.

Норвегияликлар умумий босқичда «шаҳарликлар»ни 3:1 ҳисобида мағлуб этиб, футбол жамоатчилигини ларзага солган эди. Бироқ уларнинг сенсациялари шу билан тугамади: «Будё-Глимт» кейинроқ Мадридда «Атлетико»ни 2:1 енгди, ундан сўнг эса Милан «Интер»ини кетма-кет икки учрашувда таслим этди — 3:1 ва 2:1.

«Ҳозир ҳамма «Будё-Глимт» қайси даражада ўйнаётганини кўряпти, тўғрими? Ҳамманинг оғзида битта гап: “Вой, қандай жамоа!” Эҳтимол, улар биз билан ўйнамасидан олдин сизлар ва мухлислар уларнинг 20 та учрашувини таҳлил қилмагандирсизлар...» — деди Гвардиола матбуот анжуманида. Мураббий шу орқали Норвегиядаги мағлубиятни «Манчестер Сити» учун ортиқча шармандалик сифатида кўрсатиш нотўғри бўлганига ишора қилди.

1/8 финалда Гвардиола жамоаси Мадриднинг «Реал»и билан тўқнаш келади, «Будё-Глимт» эса Лиссабоннинг «Спортинг»ига қарши майдонга тушади.