Гальярдо кўз ёш билан хайрлашди: «Ривер»дан ҳеч ким абадий кетмайди

Мураббий Марсело Гальярдо ўзининг сўнгги учрашувини «Банфилд»га қарши ўтказди. Унда «Ривер Плейт» 3:1 ҳисобида ғалаба қозониб, кетма-кет учта мағлубиятдан иборат омадсиз серияга нуқта қўйди. Бу ҳақда euro-football.ru хабар беради.

Аввалги муваффақиятсиз натижалар Гальярдонинг лавозимини сақлаб қолишига тўсқинлик қилди, бироқ клуб унга мухлислар олдида муносиб тарзда хайрлашиш имконини берди. У эса ўша лаҳзаларни жуда ҳиссиётли тарзда ўтказди.

Ўйиндан кейин кўзларига ёш олиб, Гальярдо мухлисларга миннатдорлик билдирди: «Ҳаммангизга шунчаки раҳмат. Бу қадар меҳрни сўз билан ифодалаш қийин. Мен бутунлай кетмаяпман. «Ривер»дан ҳеч ким абадий кетмайди. Бу сеҳрли жой: кетсанг ҳам, барибир клуб билан қоласан», деди у.

Эслатиб ўтамиз, Марсело Гальярдо 90-йилларда «Ривер Плейт» сафида тўп сурган ва Аргентина терма жамоасида ҳам ўйнаган.