Нобоа «Рубин» «Барселона»ни енггани учун берилган мукофотни айтди

2009 йил октябрида Қозоннинг «Рубин» жамоаси Чемпионлар лигасида кутилмаган натижа қайд этиб, «Камп Ноу»да «Барселона»ни 2:1 ҳисобида мағлуб этганди. Ўша учрашувда казанликлар сафида тўп сурган Кристиан Нобоа бу ғалаба ортидан берилган катта бонусларни эслади. Бу ҳақда euro-football.ru хабар беради.

Нобоанинг сўзларига кўра, бу унинг фаолиятидаги энг йирик премиялар бўлган: ҳар бир футболчи 80 минг доллардан олган. У буни «Спорт-Экспресс»га берган изоҳида айтиб ўтди.

Ярим ҳимоячи ўша маблағга ҳеч нарса харид қилмаганини, аксинча пулни йиғиб қўйганини таъкидлади. Нобоанинг айтишича, у ўша пайтда ҳам анча мулоҳазали йигит бўлган.

Эслатиб ўтамиз, 2009/2010 йилги мавсум Чемпионлар лигаси гуруҳ босқичида «Рубин» ўз квартетида учинчи ўринни эгаллаган. Гуруҳда «Барселона» ва «Интер» юқорироқда якунлаган, Киевнинг «Динамо»си эса охирги поғонада қолган.