Нобоа «Рубин» «Барселона»ни енгган ўйин учун бонусни айтди

2009 йил октябрида Қозоннинг «Рубин» клуби Чемпионлар лигасида кутилмаган натижа қайд этиб, «Камп Ноу»да «Барселона»ни 2:1 ҳисобида мағлуб этганди. Ўша жамоанинг собиқ футболчиси Кристиан Нобоа бу ғалаба учун берилган мукофот пулларини эсга олди. Бу ҳақда euro-football.ru хабар беради.

Нобоанинг сўзларига кўра, бу унинг фаолиятидаги энг катта премияси бўлган: ҳар бир футболчи 80 минг доллардан олган. Бу ҳақда у «Спорт-Экспресс»га берган изоҳида айтиб ўтди.

Ярим ҳимоячи ўша маблағни сарфлаб юбормаганини, аксинча жамғариб қўйганини таъкидлади — ўшанда ҳам у анча мулоҳазали йигит бўлганини қўшимча қилди.

Эслатиб ўтамиз, 2009/2010 йилги Чемпионлар лигаси гуруҳ босқичида «Рубин» учинчи ўринни эгаллаган. Гуруҳда «Барселона» ва «Интер» юқорироқ поғоналарда якунлаган бўлса, Киевнинг «Динамо»си сўнгги ўринда қолган.