«Милан» 19 ёшли бразилиялик Андре билан келишувга яқин

«Коринтианс» яримҳимоячиси Андре «Милан»га ўтишга розилик берди. Журналист Николо Скиранинг хабарига кўра, «россонери» вакиллари 19 ёшли футболчи билан принципиал келишувга эришган. Бу ҳақда euro-football.ru хабар беради.

Манбага кўра, ёш хавбек билан тузиладиган шартнома 2031 йилгача мўлжалланади. Ҳозирча «Милан» трансфер бўйича «Коринтианс» билан музокараларни давом эттирмоқда ва футболчи учун тахминан 15 миллион евро таклиф қилмоқда.

Андре «Коринтианс»нинг асосий жамоасида 24 та учрашувда майдонга тушиб, 4 та гол урган. У марказий яримҳимояда ҳам, қанотларда ҳам самарали ўйнай олади. Футболчининг амалдаги шартномаси 2029 йил охиригача кучда.