Роналдунинг жароҳати бўйича янги маълумотлар тарқалди
"Ал-Наср" ҳужумчиси Криштиану Роналду шанба куни "Ал-Фейҳа"га қарши ўйинда мажбуран алмаштирилди. Бу ҳақда euro-football.ru хабар беради.
Учрашув 3:1 ҳисобида якунланди. 41 ёшли форвард бу сафар гол ура олмади, 11-дақиқада пенальти имкониятидан ҳам фойдалана билмади. Ўйин охирига келиб эса юлдузли ветеран майдонни тарк этишга мажбур бўлди.
Al Nassr Zone саудиялик ОАВга таяниб хабар беришича, Роналду соннинг орқа қисмидаги пай (hamstring)ни шикастлаган. Агар оддий чўзилиш бўлса, тикланиш 3–5 кун давом этади. Энг ёмон ҳолатда мушак узилиши аниқланса, футболчи икки ҳафта ёки ундан кўпроқ муддатга сафдан чиқиши мумкин.
Жорий мавсум Саудия Арабистони чемпионатида Роналду 22 ўйинда 21 та гол уришга улгурди.