Ўзбекистонга пойабзал импорти сезиларли равишда камайди

2026 йил январ–феврал ойлари давомида Ўзбекистонга хориждан олиб кирилган пойабзал ҳажми пасайгани қайд этилди. Миллий статистика қўмитаси маълумотларига кўра, ушбу даврда жами 28 та давлатдан 115 мингдан ортиқ жуфт пойабзал импорт қилинган.

Импорт қилинган маҳсулотларнинг умумий қиймати 1,7 миллион АҚШ долларини ташкил этган. Шу билан бирга, бу кўрсаткич ўтган йилнинг шу даврига нисбатан анча камайгани таъкидланмоқда. Хусусан, импорт ҳажми қарийб 19,5 минг жуфтга ёки 14,5 фоизга қисқарган.

Таҳлилларга кўра, пойабзал импортида Хитой етакчиликни сақлаб қолмоқда. Ушбу давлатдан 94,6 минг жуфт маҳсулот олиб кирилган бўлиб, умумий ҳажмда асосий улушни ташкил этган.

Шунингдек, Ветнам ва Туркия ҳам асосий етказиб берувчилар қаторига кирган. Ветнамдан 5,2 минг жуфт, Туркиядан эса 3,4 минг жуфт пойабзал импорт қилингани маълум қилинди.

Бундан ташқари, Ҳиндистондан 2,5 минг жуфт ва Индонезиядан 2 минг жуфт пойабзал келтирилган. Қолган қисми эса бошқа давлатлар ҳиссасига тўғри келган.