Жалғас Жұмағұлов қос чемпиондық туралы мәлімдеме жасады
Ең жеңіл салмақтағы қазақстандық чемпионның қарсыласы аса жеңіл салмақтағы белбеу иегері бразилиялық Севериньо болады. Жекпе-жек жеңімпазы қос салмақ бойынша чемпион атанады.
"Мен сені күтемін! Саған жаңа буынның күшін көрсетемін", - деп лига бразилиялық спортшының сөзін келтіреді."Жігітім, мен сен жекпе-жек дегеннің не екенін білмей тұрып жұдырықтасып жүргенмін", - деп жауап қайтарды Жалғас.
Айта кетейік, бразилиялық файтер небәрі 22 жаста болса, Жұмағұлов қазір 37 жаста.
Еуропалық лиганың екі белбеуі сарапқа салынатын кездесу 6 маусымда Братиславада (Словакия) өтеді.
Instagram-дағы бұл жарияланымды көру
OKTAGON (@oktagonmma) жарияланымы
Еске сала кетейік, қазақстандық UFC экс-файтері Oktagon лигасында үш жекпе-жек өткізіп, барлығында жеңіске жетті. Жалғастың белбеуді алғаш рет қорғаған соңғы айқасы мерзімінен бұрын аяқталды, себебі чехиялық Давид Дворак үш раундтан кейін жекпе-жекті жалғастыра алмады.
OKTAGON лигасы - әлемдегі ең үздік 10 лиганың қатарына кіретін Еуропадағы ірі ММА промоушені. Ол 2016 жылы Oktagon Challenge реалити-шоуының бөлігі ретінде негізі қаланған. Лига турнирлерінің басым бөлігі Чехия мен Словакияда өтеді.
Әр жылдары бұл лигада UFC-дің болашақ жұлдыздары: Давид Завада (19-10), Макван Амирхани (17-11) және Никлас Штольце (14-7) өнер көрсеткен. Жұмағұловқа дейін қазақстандық спортшылардың ешқайсы еуропалық лигаларда чемпиондық атаққа қол жеткізбеген.
Instagram-дағы бұл жарияланымды көру
«FNG»|«OKTAGON» 2 белбеуінің иегері (@zhumagulov_zhalgas) жарияланымы