Малика Равшанованинг "Бу менинг онам" қўшиғи аслида қандай мақсадда яратилган?
0
Хонанда Малика Равшанова мухлисларига ўзининг машҳур қўшиқларидан бири — “Бу менинг онам” ҳақида сўзлаб берди. Унинг сўзларига кўра, қўшиқ машҳурлик ёки молиявий даромад учун яратилмаган.
“Бу қўшиқни мен 35 ёшимда ижро этдим. Раҳматли дадажонимнинг орзуларини рўёбга чиқариш ва санъат йўлимда ўқишим, санъатга кетишимга имкон яратган инсон онам эди. У ёлғизлиги билан бизни катта қилди, осон бўлмаган. Орзу қилардим, шу ота-она ҳақида қўшиқ айтайки, миллионлаб қўшиқлар орасида йўқолиб кетмасин”, — дея хонанда қўшимча қилди.
Малика Равшанова ўзининг қўшиғи орқали ота-онага бўлган ҳурмат ва миннатдорчилигини ифода этганини, қўшиқни яратиш мақсади эса инсоний қадриятларни, оиланинг меҳр-оқибатини ёдга солиш эканини таъкидлади.