КАМАЗ 2027 елда Россиядә йөк машиналарын сату үсешен көтә
Россия йөк автомобильләре базары бүгенге көндә сатулар кимү стадиясендә, әмма киләсе елда ук йөк машиналарын сату саны артуын көтәргә мөмкин. Бу хакта «КАМАЗ» ГАҖ маркетинг анализы департаменты директоры Александр Мигаль белдерде.
«Әгәр без Россия базарына карыйбыз икән, аның бик цикллы булуын һәм бу цикл алты-җиде ел баруын аңларга кирәк. Һәм бүген без бу калкулыкның иңә торган ягында торабыз, шуңа күрә сәер бернәрсә дә юк», - диде Мигаль.
Шуңа да карамастан, ул базарда уңай тенденцияләрне, шулай ук киләчәктә йөк машиналарын сатуда уңай чагылыш табачак кайбер факторларны билгеләп үтте.
«2025 елның икенче яртысыннан башлап без базар төшү темпларының тотрыклы кимүен күзәтәбез», - дип ассызыклады ул.
Россия базарына җитди йогынты ясый торган тагын бер фактор – паркның искерүе, дип атады Мигаль. «Автомобильләр күп сатылган 2023-2024 елларда базарның 42 проценты 15 елдан искерәк автомобильләргә туры килде. Ә бу 800 меңнән артык автомобиль. Тоннель башында яктылык барлыгын шуңа нигезләнеп күзаллыбыз, - диде ул.
Эксперт фаразлары буенча, төп ставканың 2-3 процент пунктка кимүеннән соң сатулар әйләнеш җыя башлаячак.