Әлмәт районында сугышта һәлак булганнар истәлегенә 8 меңнән артык корычагач утыртачаклар
18 апрельдә Әлмәт районының Кама-Исмәгыйль авылы янында агач утырту буенча масштаблы экологик акция узачак. Чара кысаларында 8 меңнән артык корычагач утыртырга ниятлиләр.
Акция Бөек Ватан сугышы елларында һәлак булганнарның истәлеген саклауга багышланган. Чарада катнашучылар барлыгы 8 800 төп агач утыртачак.
Акциядә волонтерлар һәм районның актив кешеләре катнашачак. Чара «Экологик иминлек» илкүләм проектының «Урманны саклыйк» Бөтенроссия инициативасы кысаларында оештырыла.
Җыелу вакыты һәм акцияне үткәрүнең нечкәлекләре турында оештыручылар соңрак хәбәр итәчәк.