Татарстан синоптиклары секундына 20 метрга кадәр җил, кар һәм яшен турында кисәтә

Иртәгә, 10 апрельдә, Татарстанда һава торышының начараюы көтелә. Бу хакта ТР Гидрометүзәге кисәтә.

Иртән һәм көндез республика буенча урыны белән секундына 15-20 метр көчле җил исәчәк.

Моннан тыш, шул ук вакытта яңгыр һәм кар явуы фаразлана, регионның көнчыгышында явым-төшем көчле булачак.

Моннан тыш, Татарстан территориясендә яшенле яңгырлар булуы ихтимал, дип фаразлый синоптиклар.