Қар мен бұршақ: Қазақстанда ауа райы күрт өзгереді

"Қазгидромет" синоптиктері 11, 12 және 13 сәуірге арналған ауа райы болжамын ұсынды, деп хабарлайды тілші.Tengrinews.kz.
Болжамға сәйкес, алдағы күндері циклондар мен антициклондардың жиі ауысуына байланысты Қазақстанның басым бөлігінде ауа райы құбылмалы болады.

"Елдің батысында, оңтүстігінде жаңбыр жауып, күн күркірейді, солтүстік-батысында, солтүстігінде, шығысында және ел орталығында түнде жауын-шашын (жаңбыр, қар), күндіз жаңбыр, 11 сәуірде түнде елдің шығысында қар жауады деп болжанады. 11 сәуірде республиканың батысында нөсер жаңбыр, бұршақ күтіледі", - делінген хабарламада.

Қазақстан бойынша тұман болады деп болжанған.
Бұған дейін синоптиктер Қазақстанда 2026 жылдың наурызында 109 жыл бұрынғы температуралық рекорд жаңарғанын хабарлады.