Казанда чит төбәкләрдән килеп укучы студентлар өчен экскурсияләр оештыра башлаганнар
Казанда чит төбәкләрдән килеп укучы студентлар өчен экскурсияләр оештыра башлаганнар. Казанның үзенчәлекле, тарихи урыннары белән таныштыру «Туризм һәм кунакчыллык» илкүләм проекты кысаларында башкарыла. Бу хакта «Татмедиа» Республика матбугат һәм массакүләм коммуникацияләр агентлыгында хәбәр итәләр.
Маршрутлар шәһәрнең тарихи үзәге, шул исәптән Иске Татар бистәсе аша уза. Татарстан Турист волонтерлары ассамблеясы генераль директоры Юлия Бәширова сөйләгәнчә, республикага ел саен күп санлы яшьләр килә. Алар арасында Казан буенча күзәтү экскурсияләре, Зөя утрау-шәһәрчегенә, Бөек Болгарга, Алабугага һәм башка шәһәрләргә сәяхәтләр аеруча популяр.