КФУ бюджет урыннары саны буенча илнең иң эре югары уку йортлары арасына кергән

Казан (Идел буе) федераль университеты бюджет урыннары саны буенча Россиянең иң эре югары уку йортлары арасында өченче урынны алган.

«РИА Новости»га Россия Мәгариф һәм фән министрлыгы матбугат хезмәтендә хәбәр итүләренчә, КФУда 21 меңгә якын бюджет урыны каралган. Университет бары тик Урал федераль университетыннан (30 мең) һәм Ломоносов исемендәге Мәскәү дәүләт университетыннан (23,5 мең) гына калыша.

Лидерлар бишлегенә шулай ук Бауман исемендәге Мәскәү дәүләт техник университеты һәм Югары икътисад мәктәбе кергән. Әлеге югары уку йортларының һәрберсендә 19,4 мең бюджет урыны каралган.