მექსიკის ცნობილ პირამიდებთან შეიარაღებული თავდასხმა მოხდა
შეიარაღებული თავდასხმა მოხდა მექსიკის ერთ-ერთი ცნობილი ღირშესანიშნაობის, დედაქალაქ მეხიკოდან დაახლოებით 50-კილომეტრში მდებარე უძველესი ქალაქის, ტეოტიუაკანის პირამიდებთან, სადაც ყოველთვის ტურისტების სიმრავლეა.
ადგილობრივი ხელისუფლების ცნობით, მოკლულია კანადის მოქალაქე ქალი. დაჭრილია კიდევ რამდენიმე ადამიანი. თავდამსხმელმა თავი მოიკლა.
სოციალური ქსელებით გავრცელებულ ვიდეოებში ჩანს, რომ შეიარაღებული მამაკაცი ერთ-ერთი პირამიდის წვერიდან ისვრის. თავდასხმა 20 აპრილს მოხდა. მიმდინარეობს გამოძიება.
მექსიკის ხელისუფალთა ცნობით, დაჭრილებს შორის ორი კოლუმბიის მოქალაქეა, ერთი კანადის და ერთი რუსეთის.
მექსიკის პრეზიდენტმა კლაუდია შეინბაუმმა განაცხადა, რომ ის, რაც ტეოტიუაკანში მოხდა დიდ ტკივილს იწვევს. შეინბაუმმა დაღუპულის ოჯახს მიუსამძიმრა.