Татарстанда елына миллиард сумнан артык акча эшләүчеләр саны арткан
Татарстанда елына 1 млрд сумнан артык акча эшләүче гражданнар саны арткан. Бу хакта, узган ел нәтиҗәләренә таянып, республика Министрлар Кабинетында узган брифингта Федераль салым хезмәтенең ТР буенча идарәсе җитәкчесе Марат Сафиуллин хәбәр итте.
«1 млрд сумнан артык акча эшләүчеләр саны 37 кешедән 39га кадәр артты», - дип сөйләде Сафиуллин.
Спикер өстәп әйткәнчә, салым түләүчеләрнең декларацияләнгән керемнәре ел саен арта. 2025 елда алар бер миллионнан миллиард сумга кадәр керемнәр белән 121 мең декларация тапшырганнар.