Қар және үсік: Қазақстанда алдағы күндері күн суытады

"Қазгидромет" синоптиктері 25, 26 және 27 сәуірге арналған ауа райы болжамын ұсынды, деп хабарлайды тілші.Tengrinews.kz.Қазақстанда қар жауады
Болжамға сәйкес, ауа райы тұрақсыз болады.

"Өңірлердің басым бөлігінде найзағай ойнап, жаңбыр жауады, солтүстікте жаңбыр мен дымқыл қар түрінде жауын-шашын күтіледі. Кей жерлерде бұршақ жауып, екпінді жел соғуы мүмкін", - деп мәлімдеді метеорологтар.

Республика бойынша түнде және таңертең тұман түседі деп болжанған.
Температура көрсеткіштері қандай болмақ?26 сәуірде батыс пен солтүстік-батыста, 27 сәуірде елдің солтүстігінде, шығысында және орталығында түнгі уақытта 2 градусқа дейін үсік жүреді.
Күндіз температураның төмендеуі күтіледі:

солтүстікте +10...+15 градусқа дейін,орталықта +10...+18 градусқа дейін,шығыста +7...+20 градусқа дейін,оңтүстікте +15...+25 градусқа дейін.

Бұл ретте Қазақстанның батысында ауа температурасы біртіндеп +7...+15 градустан +15...+20 градусқа дейін көтеріледі.