Татарстанда юл һәлакәтендә руль артындагы хатын-кыз үлгән
Юл-транспорт һәлакәте кичә, 19 гыйнварда, иртәнге сәгать 8дә Яшел Үзән районының Помары – Сафоново автомобиль юлының 19 нчы чакрымында килеп чыккан.
Юлда "Рено" белән "КамАЗ" машиналары бәрелешкән. Беренчел фаразлар буенча, җиңел машина руле артындагы 1980 елгы хатын-кыз куркынычсыз тизлек режимын арттырып, каршы як хәрәкәт полосасына чыккан. Һәлакәт аркасында "Рено" белән идарә итүче хатын-кыз урында ук җан биргән. Ә әлеге машинадагы 1970 елгы хатын-кыз пассажир хастаханәгә озатылган.