Казахстанның Семей шәһәрендә Тукай һәм Җәлил һәйкәлләренә чәчәкләр салганнар

Казахстанның Семей шәһәрендә татар яшьләре бөек татар шагыйрьләре Габдулла Тукай, Муса Җәлил һәм казах халкының мәшһүр шагыйре Абай Кунанбаев һәйкәлләрен зиярәт кылган. Бу хакта Бөтендөнья татар конгрессы хәбәр итте.

Яшьләр бөек шәхесләр истәлегенә чәчәкләр салды, аларның иҗаты һәм халыклар өчен әһәмияте турында фикер алышты, диелә хәбәрдә.

Бу көннәрдә Семей шәһәрендә Казахстан татар яшьләре форумы уза. Анда төрле төбәкләрдән делегатлар җыелган.