Бир пайтлар дунё сиёсатидаги муносабатларда ўзига хос тартиб, таомил кучли эди. Аниқроғи, барча мамлакатлар мавжуд қоидаларга амал қилиб, ҳар қандай ижтимоий-сиёсий муаммони музокара ёрдамида ҳал қилишарди. Афсуски, ХХI асрнинг иккинчи 10 йиллигига келиб, вазият тубдан ўзгарди. Давлат раҳбарлари ўртасидаги ўзаро ҳурмат, эътибор баъзан кескин сиёсий баҳсга айланмоқда. Бошқача айтганда, уйнинг гапи кўчага тўғри келмай қолди. Айни ҳолат кўплаб муаммолар қатори дунёдаги экология, иқлим ўзгариши билан боғлиқ масалаларга ҳам тегишли.
