Kia ХCеед кросс-хетчбеки янгиланди
Kia компанияси ўзининг машҳур ХCеед кросс-хетчбекини иккинчи бор модернизация қилди. Янгиланган модел ташқи кўриниши жиҳатидан бренднинг замонавий электромобиллари, хусусан, ЭВ3 ва янгиланган Стониc услубини ўзида мужассам этган. Автомобил вертикал жойлашган ЛEД чироқлар, торайтирилган радиатор панжараси ҳамда қайта ишланган олд ва орқа бамперлар билан жиҳозланди. Бу ҳақда Ixbt.com хабар беради.
Салон қисми ҳам сезиларли ўзгаришларга учради. Эндиликда ҳайдовчи ихтиёрида иккита 12,3 дюймли экрандан иборат рақамли кокпит, янги олд панел ва икки спицали рул мавжуд. Шунингдек, марказий консол ва вентиляция тизими дефлекторлари ҳам қайта лойиҳалаштирилиб, бошқарув элементлари янада қулайлаштирилди.
Техник жиҳатдан модел анъанавий бензинли двигателлар ҳамда «юмшоқ» гибрид тизимлар билан таклиф этилиши тасдиқланди. Бундан ташқари, плагин-гибрид (ПҲEВ) версияси ҳам кутилмоқда. Муҳандислар осма тизимни (подвеска) қайта созлаш орқали автомобилнинг юриш қулайлигини оширишга эришдилар.
Янгиланган Kia ХCеед ишлаб чиқарилиши 29-май куни Словакиянинг Жилина шаҳридаги заводда бошланади. Европа бозорида сотувлар яқин ҳафталар ичида йўлга қўйилиши режалаштирилган, бироқ нархлар ҳозирча эълон қилинмаган. Модел Европа бозорида янги Kia Селтос билан рақобатлашади.