Кояш системасында тугызынчы планета табылган
Астрономнар Кояш системасында тагын бер планета барлыгын ачыклаган. Аның үлчәме якынча Нептун зурлыгында дип әйтелә.
Әлеге ачыш хакында Калифорния технология институты галимнәре Майкл Браун һәм Константин Батыгин җиткергән. Алар үз эшләренең нәтиҗәсен The Astronomical Journal журналында бастырып чыгарган.
Алып барылган исәпләү һәм тикшерүләр буенча, планетаның Кояш тирәли әйләнүен, авырлыгы Җирдән 10 тапкыр авыррак булуы ачыклаганнар. Планета Кояштан ерак урнашуы аркасында күренми, ди. Ул Кояш тирәли 10 000 - 20 000 елга бер тапкыр тулы әйләнеш ясый, имеш.