Сабыржан Аққалықов Әлем кубогінде шаршы алаң иесін айқын басымдықпен жеңді

Әлем чемпионатының күміс жүлдегері әрі Азия чемпионы, қазақстандық Сабыржан Аққалықов Қытайда өтіп жатқан Әлем кубогі кезеңінің алғашқы жекпе-жегінде жергілікті боксшы Хиабао Уанды айқын басымдықпен жеңді, деп хабарлайды Tengri Sport.
Жекпе-жек 80 келіге дейінгі салмақ дәрежесінде 1/16 финал аясында өтті.Үш раундқа созылған кездесу Аққалықовтың 5:0 есебімен айқын жеңісімен аяқталды.
Келесі кезеңде қазақстандық қазіргі Азия чемпионы өзбекстандық Жавохир Умматалиевпен кездеседі.
Айта кетейік, Аққалықов өз мансабында алғаш рет 80 келі салмақта өнер көрсетіп жатыр. Осы жылдың сәуір айында өткен Азия чемпионатында ол 75 келіге дейінгі салмақ дәрежесінде жұдырықтасқан болатын.

Қытайдағы Әлем кубогі
Аққалықовтан бөлек, алғашқы жарыс күнінде рингке Нұрбек Оралбай мен Серік Теміржанов шықты. Екі қазақстандық та сенімді жеңіске жетіп, 1/4 финалға жолдама алды.
Еске сала кетейік, бокстан Әлем кубогінің кезеңі 15-21 маусым аралығында Гуйян қаласында (Қытай) өтіп жатыр.Қазақстан бокстан Әлем кубогін жеңіспен бастады
Бұған дейін бокстан Қазақстан құрамасы құрамын жариялаған болатын.
Ал әйгілі қазақстандық боксшы Геннадий Головкин әлемдік бокстың даңқ залына ресми түрде енгізілді.