Казанда Әсгать Галимҗанов скверы булачак
Бүген, 21 гыйнварда, Казан шәһәр Думасының IV сессиясендә әлеге мәсьәлә уңай хәл ителде.
Башкалада танылган хәйрияче Әсгать Галимҗанов урамы булдыру турында эшлекле дүшәмбе киңәшмәсендә сөйләшенгән иде инде. Ул вакытта Илсур Метшин әлеге фикерне хуплавын белдереп, җаваплы оешмаларга эш башларга кушкан иде.
Шулай итеп, Казанның Меңьеллык мәйданында скверны Әсгать Галимҗанов исеме белән атау карары кабул ителде. Анда Әсгать Галимҗановның үзе исән чакта куелган һәйкәле дә урнашкан.