Лениногорскида акча үзләштергән хезмәткәр турында яңа хәбәр
Дәүләт теркәве, кадастр һәм картография федераль хезмәтенең Лениногорск бүлекчәсенең элеккеге хезмәткәре мошенниклыкта гаепләнә, дип язган идек. Ул әлеге хезмәтнең 28 яшьлек элекке машина йөртүчесе булып чыкты, бу турыда республика буенча тикшерү комитеты сайты хәбәр итә.
АЛДАНРАК ЯЗГАН ИДЕК: ул 2014 елның августыннан 2015 елның сентябренә чаклы үзенең танышларына базар бәяләреннән арзанракка торак, җир участоклары сатып алу, аны рәсмиләштерү хезмәтләрен тәкъдим иткән. Шулай итеп 11 гражданны алдап, барлыгы 3млн 380 мең сум акча түләтеп, аны үзләштергән.