Виктория Графееваның суперкамбэгі Қазақстанға бокстан Әлем кубогінің үшінші медалін сыйлады
Ширек финалда қазақстандық спортшы кореялық боксшы Йеонжи Охпен жұдырықтасты.
Бірінші раундта Графеева қолының ұзындығын пайдаланып, қарсыласын қашықтықта ұстады және дәл соққылар бағыттады. Кореялық боксшы болса жақын қашықтыққа өтіп, клинч жасауға тырысты. Төрешілер Йеонжи Ох басым болды деп шешіп, раундтағы жеңісті аз ғана басымдықпен соның еншісіне жазды.
Екінші кезеңде кореялық спортшы жиі жақындауға тырысқанымен, Графееваның қарсы шабуылдары мен клинчіне тап болды. Тактикасын контрпанчқа (қарсы соққыға) өзгерткен қазақстандық боксшы нысанаға дөп тигізе бастады. Бұл жолы Графеева раундты айқын басымдықпен ұтты.
Шешуші раундта қазақстандық спортшы таймингті сақтап, қарсыласының шұғыл жақындау әрекеттеріне клинчпен жауап беріп отырды. Графеева қарсыласын қарсы джеб және шегіне жүріп жасалатын чек-хук соққыларымен жақсы тосты.
Соңғы сәттерде Йеонжи Охтың тынысы ашылып, бірнеше соққы жұмсағанымен, бұл жекпе-жектің нәтижесіне әсер етпеді.
Үш раундтың қорытындысы бойынша Виктория Графеева төрешілердің бірауыздан шығарған шешімімен жеңіске жетті.
Виктория Графеева - Әлем кубогінің бірінші кезеңінің чемпионы
Айта кетейік, Виктория Графеева сәуір айында Бразилияның Фос-ду-Игуасу қаласында өткен бокстан Әлем кубогінің өткен кезеңінде алтын медаль иегері атанған болатын. Сол кездегі финалдық кездесуде қазақстандық боксшы төрешілер шешімімен бразилиялық Ребекка Сантосты жеңген еді.
Instagram-дағы бұл жарияланымды көру
Kazakhstan Boxing Federation (@boxingkazakhstan) жариялаған жазба
Еске сала кетейік, World Boxing ұйымдастырған Әлем кубогының екінші кезеңі 15-21 маусым аралығында Гуйян қаласында (Қытай) өтеді. Жарысқа қатысып жатқан Қазақстан құрамасы сапында 9 ер және 8 әйел боксшы бар.
Назым Қызайбай Қазақстан қоржынына Әлем кубогының екінші медалін салды