"Урланган" малай табылган
Казанда өч яшьлек малай урланган, аның әнисе, ярдәм сорап, полициягә мөрәҗәгать иткән, дигән хәбәрләр таралды бүген социаль челтәрләрдә.
Prokazan.ru корреспондентлары малайның әнисенә шалтыраталар, ул тыныч тавыш белән полициягә гариза бирүен әйтә.
Республика эчке эшләр матбугат хезмәтендә баланың урланмавын, ә гаиләдә низаг чыгып, әтинең (элекке ире) баланы үзенә алып китүен хәбәр итәләр. Хәзерге вакытта ир элемтәгә чыккан.