ӘЧ-2026 матчі қарсаңында Месси әуежайда қосымша тексеріске тап болды
Кадрларда қауіпсіздік қызметінің қызметкерлері багажды мұқият тексеріп, футболшы мен оның командадағы әріптестеріне Әлем чемпионаты матчіне ұшу алдында қосымша тексеріс жүргізіп жатқаны көрсетілген.
Жұлдызды мәртебесіне қарамастан, сегіз дүркін "Алтын доп" иегері кезекке тұрып, өзге адамдар сияқты портативті металл іздегіштен өтті.
Бір сәтте Месси процессті бақылап тұрып, күліп жіберді.
Even Messi can’t escape airport security ???????? pic.twitter.com/5S4vOWgfmG— 433 (@433) July 2, 2026
Еске салайық, Месси Аргентина құрамасымен бірге футболдан 2026 жылғы Әлем чемпионатының 1/16 финал матчіне ұшып шықты. Олар 1/8 финалға шығу үшін Кабо-Верде ұлттық құрамасына қарсы ойнайды. Матч 4 шілдеге қараған түні өтеді.
Instagram-дағы бұл жарияланымды көру
Selección Argentina (@afaseleccion) жазбасынан
Айта кетейік, Аргентина J тобында топтық кезеңнен сенімді түрде өтіп, үш жеңіске қол жеткізді. Әлемнің қазіргі чемпиондары Алжирді (3:0) ойсырата ұтты, Австрияны (2:0) жеңді және соңғы ойында Иорданиядан (3:1) басым түсті. Команда 9 ұпай жинап, тамаша нәтиже көрсетіп, қақпасына аз гол жіберіп, бірінші орында 1/8 финалға шықты.
Instagram-дағы бұл жарияланымды көру
Selección Argentina (@afaseleccion) жазбасынан
Кабо-Верде Әлем чемпионатында алғаш рет өнер көрсетіп, H тобында сенсация жасады. Олар Испаниямен 0:0 есебімен тең ойнады, Уругваймен 2:2, ал Сауд Арабиясымен 0:0 есебімен тең түсті. 5 ұпай жинап, екінші орынды иеленді және алғаш рет плей-офф кезеңіне шықты.
Instagram-дағы бұл жарияланымды көру
Публикация от Willy Semedo (@wsemedo7)
Тағы оқыңыз: “Роналдумания“: Криштианудың Канадаға келуі дүрбелең туғыздыӘлем чемпионатының Қазақстандағы ең танымал матчтері жарияланды: 7 миллион қаралымӘЧ-2026-ға қатысып жатқан құрама бапкеріне тікелей эфирде әкесі қайтыс болғаны хабарланды: видео