Астанада Алаш тасжолында қозғалыс шектеледі

Астанадағы Алаш тасжолының бір бөлігінде қозғалыс уақытша шектеледі. Бұған салмақ өлшейтін датчиктерге арналған бетон жабынын төсеу жұмыстары себеп, деп хабарлайды Tengri Auto елорда әкімдігінің ресми сайтына сілтеме жасап.
Жөндеу жұмыстары жолдың шамамен 400 метрін қамтиды. Ішінара шектеулер 5-25 тамыз аралығында күшінде болады.
Фото: gov.kz
Жұмыс жүргізу кезінде көліктер қарсы бағыттағы жолақпен жүреді.
Жүргізушілер мен жаяу жүргіншілерге бағытын алдын ала жоспарлау және қозғалысты ұйымдастырудағы уақытша өзгерістерді ескеру ұсынылады.Қауіпсіздікті қамтамасыз ету және туындауы мүмкін қолайсыздықтарды азайту үшін учаскеде уақытша жол белгілері мен нұсқағыштар орнатылады.
Тағы қай жерлерде қозғалыс шектелген?

2026 жылғы 29 шілде мен 12 тамыз аралығында – Астана – Қарағанды тасжолының Қобда тұйық көшесінен А-135 көшесіне дейінгі бөлігі2026 жылғы 30 шілде мен 25 тамыз аралығында – Алматы – Төңкеріс – Байсерке – Междуреченск2026 жылғы 24 шілде мен 30 қараша аралығында – Медеу — Тұйықсу

Тағы оқыңыз: Алматыда Манас көшесі жабылады