Қазақстанда нөсер жауады

"Қазгидромет" синоптиктері 20, 21 және 22 тамызға арналған ауа райы болжамын ұсынды, деп хабарлайды Tengrinews.kz тілшісі.
Синоптиктердің болжамы бойынша, алдағы күндері Қазақстанда нөсер жауып, найзағай ойнайды және жел күшейеді. Сонымен қатар батыс өңірлерде және оңтүстік-шығыста қатты ыстық сақталады - кей жерлерде термометр бағаны +41 градусқа дейін көтеріледі.Қай өңірлерде жауын күтіледі?20-22 тамыз аралығында Қазақстан аумағының басым бөлігінде найзағайлы жаңбыр жауады деп болжанады. Кейбір аудандарда бұршақ жауып, жел күшеюі мүмкін.
Елдің солтүстігінде түнде және таңертең кей жерлерде тұман күтіледі.Қатты жаңбыр келесі күндері жауады деп болжануда:

20 тамызда - орталық өңірлерде;21 тамызда - Қазақстанның шығысында;22 тамызда - елдің солтүстік-батысында және оңтүстік-шығыстағы таулы аймақтарда.

Ыстық қай жерлерде сақталады?
Жаңбырға қарамастан, Қазақстанның батыс өңірлерінде және оңтүстік-шығысында қатты ыстық сақталады. Күндіз ауа температурасы +30...+38 градус болады, ал Маңғыстау облысының кейбір аудандарында аптап ыстық +41 градусқа дейін жетеді.Қалған аумақтарда температуралық фон айтарлықтай өзгермейді.Қостанай облысында күндіз +20...+30 градус, солтүстік өңірлерде +17...+28, орталық және шығыс облыстарда +17...+30 градус жылы болады.Қазақстанның оңтүстігінде күндіз ауа температурасы +30...+38 градус деңгейінде сақталады.2026 жылдың қыркүйегі Қазақстанда қандай болады?
Бұған дейін синоптиктер Қазақстандағы 2026 жылғы қыркүйек айына арналған консультативтік ауа райы болжамын ұсынған болатын. Жалпы алғанда, күздің алғашқы айы климаттық норма шамасында болады деп күтіледі, алайда кейбір өңірлерде әдеттегіден жылырақ немесе жауын-шашынды болады. Сондай-ақ бірқатар облыста үсік жүруі мүмкін. Толығырақ осы жерден оқыңыз.