Қазақстанда демалыс күндері жаңбыр жауады
"Қазгидромет" синоптиктері 22, 23 және 24 тамызға арналған ауа райы болжамын ұсынды, деп хабарлайды Tengrinews.kz тілшісі.
Болжамға сәйкес, алдағы күндері Қазақстанда жауын-шашынды әрі тұрақсыз ауа райы күтіледі. Елдің басым бөлігінде күн күркіреп, жаңбыр жауады, кей жерлерде қатты жауын-шашын мен бұршақ жаууы мүмкін.
Қазақстанда жаңбыр жауып, күн күркірейді
Синоптиктердің болжамы бойынша, республикадағы ауа райын солтүстік-батыс циклоны мен онымен байланысты атмосфералық фронттар анықтайды. Олар Қазақстан аумағының басым бөлігіне найзағайлы жаңбыр әкеледі. Кей аудандарда нөсер жауын күтіледі, сондай-ақ бұршақ жаууы ықтимал.
Батыста аптап болады
Сонымен қатар Қазақстанның батыс өңірлері антициклон жотасының ықпалында болады. Мұнда айтарлықтай жауын-шашын күтілмейді. Сонымен қатар күндіз ауа температурасы +34...+39 градусқа дейін көтеріледі.
2026 жылдың қыркүйегі Қазақстанда қандай болады
Бұған дейін синоптиктер Қазақстандағы 2026 жылғы қыркүйек айына арналған консультативтік ауа райы болжамын ұсынған болатын. Жалпы алғанда, күздің алғашқы айы климаттық норма шамасында болады деп күтіледі, алайда кейбір өңірлерде әдеттегіден жылырақ немесе жауын-шашынды болады. Сондай-ақ бірқатар облыста үсік жүруі мүмкін. Толығырақ осы жерден оқыңыз.