Алматыда түрлі-түсті жолақ пайда болды: ол не үшін қажет?

Алматыдағы Қабанбай батыр мен Панфилов көшелерінің қиылысында жүргізушілер ерекше жол таңбасын байқады, деп хабарлайды Tengri Auto.Әлеуметтік желілерде түрлі-түсті геометриялық фигуралар салынған жолақ бейнеленген видео жарияланды.












Instagram-дағы бұл жарияланымды көру

Krisp Almaty | Криспи Алматы (@krisp_almaty) жариялаған пост


Жүргізушілер бұл таңбаның нені білдіретініне және оның үстімен жүруге немесе көлік қоюға болатын-болмайтынына қызығушылық танытты.
Алматы әкімдігі баспасөз қызметінің ақпаратынша, түрлі-түсті таңба жүргізушілер мен жаяу жүргіншілерге жақсырақ көрінуі үшін қауіпсіздік аралына сызылған.

"Таңба жүргізушілер мен жаяу жүргіншілердің назарын аударып, олардың бағдарлануына және жолдың жүру бөлігіне жақындағанда мұқият болуына көмектеседі", - деп хабарлады әкімдік.

Бұл ретте әкімдік таңбаның бұрыннан бар қауіпсіздік аралының шегінде сызылғанын атап өтті. Жолдың жүру бөлігі тарылған жоқ, оның параметрлері мен өткізу қабілеті өзгерген жоқ.
Тағы оқыңыз: Бір мезгілде жолақ ауыстыру кезінде кім жол беруі керек: даулы жағдайды талдаймыз