“Алтын доп” иегері 2026 жылғы марапатқа үміткер фавориттер үштігін атады
"Алтын доптың" қазіргі иегері Усман Дембеле 2026 жылы беделді жеке марапатқа басты үміткер деп санайтын үш футболшының есімін атады.
ПСЖ-ның француздық шабуылшысы өз командаласы Хвича Кварацхелияны, германиялық "Бавария" форварды Харри Кейнді және мадридтік "Реалдың" шабуылшысы Килиан Мбаппені ерекше атап өтті.
"Ретсіз айтсам: Квара, өте жақсы маусым өткізген Харри Кейн және Килиан Мбаппе деп ойлаймын", - деді Дембеле.
???? Усман Дембеле 2026 жылғы "Алтын допқа" үміткер үздік үштігін атады #ballondor pic.twitter.com/2qVo7VNa44— L'Équipe (@lequipe) September 8, 2026
Бұл ретте ол өзін фавориттер қатарына қоспайтынын айтты.
"Мен бе? Жоқ. Мен мұндай істерге ешқашан араласпаймын. Өзіме ешқашан дауыс бермеймін. Егер мен дауыс беретін болсам, өзімді таңдамас едім", - деді француз.
Instagram-дағы бұл жарияланымды көру
Ousmane Dembélé (@o.dembele7) жарияланымы
Негізгі үш үміткерден бөлек, француз тағы бірнеше мықты ойыншыны атап өтті: Майкл Олисе ("Бавария"), Ламин Ямаль ("Барселона"), Фабиан Руис (ПСЖ) және Виллиан Пачо (ПСЖ). Дегенмен, Дембеле "Алтын доп" тағы ПСЖ ойыншысына бұйыратынына сенім білдірді.
"Бұл трофейге қатысты күмән бар деп ойламаймын. Ол "Пари Сен-Жермен" футболшысының қолында қалады деп есептеймін", - деп толықтырды Дембеле.
Instagram-дағы бұл жарияланымды көру
Paris Saint-Germain (@psg) жарияланымы
Еске сала кетейік, Усман Дембеле 2025 жылы "Алтын доп" иегері атанған болатын. Сол кезде ол Чемпиондар лигасын, Франция чемпионаты мен Кубогін жеңіп алған ПСЖ сапындағы тамаша маусымы үшін марапатталды. Француз бұл беделді жүлдені иеленген Франция футболы тарихындағы алтыншы және 2022 жылдан бері (Карим Бенземадан кейін) алғашқы ойыншы болды.
Instagram-дағы бұл жарияланымды көру
Ousmane Dembélé (@o.dembele7) жарияланымы
2026 жылғы "Алтын допты" тапсыру рәсімі 26 қазанда Лондонға жоспарланған.
Instagram-дағы бұл жарияланымды көру
Ballon d’Or (@ballondorofficial) жарияланымы
Месси құрамадағы мансабын аяқтағаннан кейін тарихи рекорд орнатты