Пашинян қате үшін шенеунікті қызметінен босатты

Армения премьер-министрі Никол Пашинян Мемлекеттік протокол қызметінің басшысы Гагик Ваноянды қызметінен босатты. Бұған премьер-министрдің ресми сөйлейтін мәтініндегі қате себеп болған, деп хабарлайды Tengrinews.kz армениялық БАҚ-қа сілтеме жасап.
БАҚ-тың үкіметке жақын дереккөздерге сілтеме жасап жазуынша, 18 қазанда Никол Пашинян Ереванға COP-17 конференциясы аясында келген Қырғызстан президенті Садыр Жапаровты "Қазақстан президенті" деп қателесіп таныстырған. Бұл жағдай видеоға түсіп қалған.
Іс-шарадан кейін Никол Пашинян болған жайтқа көңілі толмайтынын білдіріп, Гагик Ваноянды жұмыстан шығару туралы шешім қабылдағаны хабарланды. Тиісті жарлық 19 қазанда Армения үкіметінің ресми сайтында жарияланды.
Бұл оқиға туралы Қырғызстан БАҚ-тары да хабарлады.












Instagram-дағы бұл жарияланымды көру

ҚЫРҒЫЗСТАН ЖАҢАЛЫҚТАРЫ (@24_kg) жарияланымы


Айта кетейік, Никол Пашинян Гагик Ваноянды Мемлекеттік протокол қызметінің басшысы лауазымына биыл тамыз айында қайта тағайындаған болатын.