Әнисенә үч итеп өен шартлатмакчы булган
30 яшьлек кызның бу гамәле өчен бөтен йорт хуҗаларын эвакуацияләгәннәр.
Бу хәл Лениногорскида була. Әнисе исерек кызын йортта махсус бикләп китә. Ә тегесе аның өйдән чыгаруларын сорап газ конфоркаларын ачып куя. Коткаручылар подъездда яшәүчеләрне эвакуацияләгәч, баскыч аша фатирга үтеп керә. Кызны алар полиция кулына тапшыра.