“Әләкче”ләргә акча түлиләр
Татарстан хөкүмәте 1 гыйнвардан “Халык контроле”нә законсыз алкоголь продукциясе әйләнеше хакында зарланучыларны акчалата бүләкли башлый.
Бүләкнең күләме 1 меңнән 3 мең сумга кадәр. “Халык контроле”нең әлеге бүлегенә начар алкоголь сатуга карата 108 шикаять кергән, 60 очрак буенча административ эш кузгатылган. Гонорар дәүләт алкоголь инспекциясе бүлегендә биреләчәк.