Вәсилә Фәттахованы соңгы юлга озаттылар [+ВИДЕО]
Бүген Уфада җырчы Вәсилә Фәттахованы соңга юлга озаталар. Тамашачы соңгы тапкыр яраткан җырчысын алкышлый.
Башкорт дәүләт филармониясе хушлашырга теләүчеләрне сыйдыра алмаган, халык урамда да җыелган, дип хәбәр итә "Башинформ". Җырчыны Уфадагы Көньяк зиратта җирлиләр.
"Туган як", "Ялгыз миләш", "Әтием" кебек хитларны башкаручы популяр җырчы Вәсилә Фәттахова 26 гыйнварда Уфада хастаханәдә вафат булды. Аңа нибары 36 яшь иде.