"Дуңгыз гриппы"н сәфәрдән эләктереп кайткан
Чаллының йогышлы авырулар хастаханәсендә тагын бер кешегә "дуңгыз гриппы" диагнозы куелды.
57 яшьлек ир-ат ерак арага йөрүче машина йөртүче булып эшләгән. Озак вакытка сузылган эш сәфәреннән кайткач ул үзен начар хис итә башлый һәм ашыгыч ярдәм машинасы белән хастаханәгә китерелә. Лаборатория анализлары анда "дуңгыз гриппы" булуын ачыклый.
Шулай итеп, Чаллының йогышлы авырулар хастаханәсендә әлеге диагноз куелган алты кеше дәвалана. Алар берсе дә вакцинацияләнмәгән диелә. Авыручыларның дүртесе – 5-15 яшьлек балалар.
Чыганак:http://intertat.ru/