Лениногорскилы ике бала үлемендә гаепле машина йөртүчегә дүрт ел биргәннәр
Үткән елның 20 августында Миңнебай-Әлмәт юлындагы коточкыч аварияне күпләр хәтерлидер.
Анда безнең шәһәрнең 10 нчы мәктәбендә белем алучы 15 яшьлек Алсу белән 10 яшьлек Надир һәлак булган иде. Алар утырган “Лада Калина” автомобиленә юл бирмәгән “Скания” авыр йөк машинасын йөртүче Әлмәт кешесе шушы көннәрдә суд каршына баскан. Әлмәт шәһәр суды аны дүрт елга ирегеннән мәхрүм итү хөкем карарын чыгарган, җәза срогын ул колония-поселениядә уздырачак.