Урынбасар булу өчен ялган диплом күрсәткән
Хәзер балалар бакчасы мөдире урынбасары буласы килгән хезмәткәргә карата җинаять эше кузгатылган.
Ул югары белем турындагы ялган дипломнан файдалануда гаепләнә. Чистай прокуратурасы 8 нче балалар бакчасында тикшерү үткәргән. Шул чакта бер хезмәткәрнең – бакча мөдиренең хуҗалык эшләре буенча урынбасары булырга дәгъва кылучының КФУны тәмамлау турындагы дипломының ялган булуы ачыкланган. Аңа гомумән диплом бирелмәгән булган.