Зәйдә “Россия ел укытучысы” бәйгесенең төбәк туры бара
Зәйнең 6нчы мәктәбендә “Россиянең ел укытучысы” Бөтенроссия конкурсының республика этабы төбәк туры бара. Анда Сарман, Мөслим, Чирмешән, Актаныш, Түбән Кама, Зәй районнарыннан муниципаль турларда җиңү яулаган иң көчле 18 педагог һөнәри осталыкларын Татарстан Мәгариф һәм фән министрлыгы вәкилләреннән торган мәртәбәле жюри каршында дәлилли. “Ел укытучысы” исеме өчен көрәшүчеләр арасында өчесе - безнең районныкылар. Алар - Югары Шепкә авылы мәктәбенең җәмгыять белеме укытучысы Венера Закирова, шәһәрнең 7нче мәктәбе инглиз теле укытучысы Эльвира Ханнанова һәм “Педагогик дебют” номинациясендә чыгыш ясаучы 6нчы мәктәпнең инглиз теле укытучысы Руслан Мәһдиев. Педагоглар ачык дәрес бирүдә, мастер-класслар үткәрүдә көч сынаша.