Балыкбистәлеләр “ТАТМЕДИА” буләкләрен отканнар
“ТАТМЕДИА” акционерлык җәмгыяте оештырган “Язылучыга-Айпад” акциясендә дистәләгән балыкбистәлеләр катнашты.
Исегезгә төшерәбез, акция җәмгыять тарафыннан гамәлгә куелучы газеталарны яздыручылар арасында оештырыла. Ниһаять, оештыручылар вәгьдә кылганча, бәйгенең нәтиҗәләре мәгьлум булды. Җиңүчеләр арасында якташларыбызның булуы безнең өчен сөенечле хәл. Инде аларның исемнәрен дә атыйк: Миләүшә Мукриева һәм Людмила Валиева. Алар “Кукмара” маркалы савыт-саба наборына лаек булдылар.
Күгәрченнән Тәнзилә Закирова махсус кызыксындыру призы белән бүләкләнәчәк. Шунысын да искә төшереп узыйк, “ТАТМЕДИА” оештырган бәйгеләрдә аның беренче генә бүләк алуы түгел. Якын вакытларда җиңүчеләребезгә бүләкләре кайтып җитәчәк. Без аларны тантаналы шартларда тапшырачакбыз.
Фото: http://sntat.ru/nasharespublika/36505