Саклау камерасыннан 4 миллион сум урлаган
Татарстан таможнясы хезмәткәре тиздән суд каршына басачак.
Ул саклау камерасыннан 4 миллион сум акча урлауда һәм аны казинода уйнап оттыруда гаепләнә. Әлеге акча административ хокук бозулар турындагы эшләр буенча дәлил итеп китерелүче әйберләр саклана торган камерадан алынган. Гаепләнүче аннан акча урлаган, ә акча урынына кәгазь кисәкләре калдырган.