21 февраль – Халыкара туган тел көне
Шул уңайдан Мәдәният сараеның кече сәхнәсендә балалар башкаруында төрле телләрдәге җырлар яңгырады.
Мәдәният сарае белгечләре шәһәрдәге Халыклар дуслыгы йортының балалар иҗат коллективы белән бергә концерт оештырды. Анда 11нче гимназиядән һәм 10нчы мәктәптән килгән 5 яшьтән алып 12 яшькә кадәр булган укучылар катнашты.
Кичәдә балалар туган телләре турында шигырь сөйләде, мәкаль һәм әйтемнәр әйтеште. Настя Казанцева рус халык җырын башкарды, Азиз белән Әминә тадҗик телендә шигырь сөйләде, “Айсылу” театр төркеме элек ничек каз саклаулар турында театральләштерелгән композиция күрсәтте.